啦啦啦啦啦啦啦啦！！

活動推介又嚟啦！！大家平時有冇試過用畫畫、設計或者一句簡單嘅說話，去表達自己嘅心情同想法呢？其實每一種色彩、每一份創意，都可以為生活帶來多一點溫度同力量～

喺我哋呢個繽紛多彩嘅社區入面，每一個人都好似調色盤上獨特嘅顏料，拼湊出一幅充滿關愛同包容嘅畫面。自閉症人士同佢哋嘅家庭，就係呢幅畫入面一抹溫柔而重要嘅色彩——佢哋以自己獨特嘅節奏感受世界，用純粹嘅方式表達情感，讓我哋看見生命多樣而動人的一面。

為咗讓大家更了解自閉症，同時一齊用創意為社區增添色彩，本會特別舉辦以「多一度色彩˙Take A Breath」為主題嘅創意設計及標語創作比賽！希望透過大家嘅畫筆、設計同創意標語，傳遞理解、接納同關愛，推動社區共融，亦為親子創造一個互動同放鬆心情嘅療癒時刻。

今次比賽設有多個有趣嘅參賽組別，包括：

書籤創意設計及標語創作組

填色創意及標語創作組

紙膠帶創意設計及標語創作組

無論你係鍾意畫畫、設計，定係寫一句充滿力量嘅標語，都歡迎一齊參與！等我哋用色彩作橋樑，用創意說故事，一齊為社區帶來多一份理解、多一份呼吸空間。

有關比賽嘅詳情可查閱海報及掃瞄二維碼了解比賽章程！

我哋期待你哋嘅參與！！！

如有查詢，歡迎致電 2834 0683 聯絡黃小姐。